修頓球場

Oralrichshaw 修頓球場是灣仔居民心目中的重要標記,它滿載了當年灣仔居民的苦與樂,老人家的憶述讓我們可以想像,當年修頓球場一天裡展現著不同的面貌,日間勞動者在球場等待工作,晚上另一批勞動者又為人們提供娛樂,還有老人家津津樂道的足球賽,一個小小的球場讓勞動消費循環再生產,給這個基層社區培育了生命力。

「以前修頓球場沙地嚟㗎,初初有啲人賣下小食呀,整整下呢成晚咁,好似個夜總會咁,又有嘢食呀,又有人玩下魔術呀,做完拎個兜埋嚟呀,"打賞!打賞!" 你咪打賞一毫呀兩毫。」

「五、六點鐘點盞火水燈喺度,炒蜆呀,嗰陣時有啲所謂啫喱啦,一杯杯咁俾啲冰雪住擺喺度賣,又有啲魔術玩下,睇完又俾毫子人哋呀。嗰時無咁多消遣嘛,收音機都唔係成日有得聽。」

Oralmarket1 「有啲外省佬,啲人話:外江佬呀,賣武呀,有得睇呀,去睇吖。養咗隻馬騮仔,帶住隻狗呀,打下鑼鼓,隻馬騮識走去個箱度,識得著件衫,帶個面具上去呀,整古做怪。嗰隻狗呢又識得學大人樁米,有個米埳喺度,隻狗走去踩呀踩呀,細路仔好鍾意睇㗎嘛。」

「又有羊又有狗。嗰隻羊呢,隻馬騮就坐上去,師傅打起個鑼呢,佢講啲話我哋唔識聽,唔知佢講乜,嗰隻馬騮舞兩舞,又識得去換個面具出嚟,多數都係扮馬騮精呀,你未睇過㗎嘞,幾呀年前就有嘅。」

Oralmarket2 「上晝呢,嗰啲咕喱喺度等開工,多數都係潮州人嚟㗎。咁朝頭早呢揸住竹升好大條嘅,咁就有條繩綁住,喺後面棟晒喺度,一齊等人嚟請,踎喺度,揸住個水煙筒,竹筒嚟個喎,好長嘅,'boo boo boo boo'咁就食㗎嘞,你扯幾啖煙,俾嗰個又扯幾啖煙,咁樣嘅。」

「日頭呢,可能啲咕喱舊時病咗唔睇醫生,咁呢有啲…又係佢地啲鄉里嚟嘅,同佢『黏沙』呢,我好鍾意睇個噃,咁呀好似俾啲鹽水同佢搽下佢呢,俾隻手黏兩三下啫,成條紅色嘅血路一條條喺晒度㗎……黏到佢好大力,黏到'pop pop'咁聲個噃,黏到佢… …郁下(個膊頭)咁就行㗎嘞,佢要俾錢㗎。」

(灣仔出生,講述戰後修頓球場的面貌)

December 21, 2004 in 歷史, 體育 | Permalink

灣仔羽毛球會

Chengbao1_1 本會於一九九四年正式註冊為社團,自負盈虧,一九九九年註冊為香羽毛球總會屬會,二零零零年林貝聿嘉 太紳士 擔任本會名譽會長,二零零二年註冊為香各界婦女聯合協進會屬會。

會員招募:
凡居住、就業、就讀於灣仔區,愛好羽毛球運動,願意遵守本會章程,均可申請成為本會會員 或凡連續參加本會舉辦任何訓練課稱超過三個月,自動成為本會普通會員。2004年會員約150人。

訓練目標

啟蒙階段:培養興趣,形成愛好;培養專項感知覺,建立正确技術基本功架;促取良好發育,發展靈敏素質。

基礎階段:激發比賽動機及提高技術水平的愿望;全面學習基本技術;發展專項身體素質;培養技術配合運用的能力及戰術意識。

提高階段:培養拚搏精神、勇於克服困難、堅定頑強的意志品質;提高技術細節,發展技術的準確性、突變性、隱蔽性,掌握高難技術;培養符合個性條件及高水平技術發展的個人打法,發展個人特長;提高專項身體素質;掌握精細專項觀察及解決比賽具體問提的能力。

聯絡查詢
地址:灣仔黃泥涌道155號6樓。

電話:60762131 
傳真:25910223
電郵:wanchaibad@netvigator.com
網址:www.wanchaibadmintonclub.com

Wc1_1

December 20, 2004 in 體育 | Permalink